NEET paper leak: Bihar trail

New Delhi, June 20: Medical entrace exam NEET dae irregularities thaka karney ekta political row olai jaishey. BJP leaders khan pra koi asey ki INDIA bloc leader Tejaswi Yadav tho paper leak hua upur link asey, hoilibhi opposition pra BJP upur slam kuirshey UGC-NET aro NEET fiasco upur aro jani dishey ki desh lah examination process structure tho bangi jaishey hoina. Itya tak thirteen manu nishina kae arrest kuri dishey, NEET-UG 2024 lah paper leak hua upur. Bihar Deputy Chief Minister aro BJP leader Vijay Kumar Sinha pra Thursday dae janai dishey ki Rashtriya Janata Dal (RJD) leader Tejashwi Yadav lah aide tho paper leaks hua upur link asey hoina. Congress MP Rahul Gandhi pra PM Modi upur hamla kurishey koi kina, “Enia koi asey ki Modi ji pra Russia-Ukraine war rukhai dishey. Hoilibhi kunba reason karney, Narendra Modi pra India dae paper leaks hua tho rukhai diwoley para nai nohoiley bhi rukhawoley mun nai”.