June 24, 2024: Bihar police laka Economic Offences Unit (EOU), kun kan National Eligibility Entrance Test (NEET)-UG deh paper leak case tho investigate kuri taki shae, CBI keh nadia time deh, taikan para “solver gang’ laka ekta member keh arrest kuri shae kui shae. Solver gang laka member tho exam nadia din agae deh ekta solved kura question paper pai shae. Sunday din deh Bihar police para pastha manu keh arrest kuri shae, Jharkhang laka Deoghar jaka deh. Tateh ekjun laka nam tho Baldev Kumar ase. EOU para kumar tho gang laka kingpin, Sanjeev Kumar laka ally ase kui shae. ‘Solver Gang’ tho ekta alleged network ase kun kan keh Ravi Atri para lead kureh. Gang tho solve kura question paper kan pabo leh specialize kureh aro etu question paper kan tho, taikan circulate kureh. Etu question paper kan tho taikan students kan keh deh, kun kan poisa dibo leh ready ase. “Evidence pah isap deh, NEET UG-2024 examination laka solve question paper tho etu gang kan, taikan laka mobile phone deh pai shae,” Indian Express para EOU keh quote kuri shae.
NEET paper leak row: ‘Solver gang’ member keh arrest kuri di shae
