April 16, 2021. COVID-19 cases besi otha nemite, NEET PG medical entrance examination April 18 (Sunday) din te thakiboli thaka toh postponed korishe koikena Thursday evening Union health minister, Dr Harsh Vardhan para junaishe. Dr Vardhan koishe, olop din thaka beche exam laga notun darik toh janai thibo. “COVID-19 cases otha nemite, Government of India para NEET-PG 2021 exam postponed koriboli fesla loishe, etu exam toh April 18 darik te loboli thakishe. Next darik toh olop beche fesla koribo,” koikena Dr Vardhan para tai laga Twitter handle te janaishe. “etu fesla lowa toh hoile ami khan laga jawan medical students nemite bapana thaka nemite ase,” Union healtha minister para koishe. Union health ministry para postpone hoboli fesla lowa toh hoile, olop din akhe ekta student doctors group para Supreme Court logot exam darik toh putli hoboli kowa nemite ase koishe. Bench ekta Chief Justice of India SA Bobde para head hoikena Friday din etu kotha toh honiboli ase. Petitioners para koishe, doctors khan hotai din COVID19 bemar manuh logot elaj kori thaka te physical exam te ahile, hazar manuh laga jevan toh risk thakibo. Union government para CBSE Class 10 exams aro Class 12 exams postpone kora fesla toh be tai khan para saboli koishe, exams toh May 4 darik para soruh hoboli thaka ase. Board exams postponed hoboli fesla lowa toh students, parents, medical experts aro opposition leaders para resquest kora nemite ase koishe.
Add Comment