Assam, 20 July : National Testing Agency (NTA), July 20 dey National Eligibility cum Entrance Test- Undergraduate (NEET- UG) 2024 laga results, official website dey declare kurishey.
Itu announcement toh Supreme Court para July 18 dey NTA ke NEET UG laga results July 20 tak announce kuriboley kuina ahishey.
Applicants khan taikhan laga results check aro download kuriboley paribo, official website – exams.nta.ac.in/NEET/ and neet.ntaonline.in.
Supreme Court laga order logot comply kurina, itu results ke centre-wise aro city-wise publish kurishey.
Results ke sawoley exam centre code lagi asey.
Results access kuriboley, itu steps follow kuribi :
NEET UG 2024 laga official website dey
jawi.
Homepage laga highlighted link tab dey click kuribi.
Login credentials enter kuribi.
Submit dey click kuribi results access kuriboley.
Result download kuribi aro future reference karney ekta printout rakhibi.
May 5 dey, 571 sheher dey, at 4,750 centres dey, 23.33 lakh upar students itu exam attempt kurishey, 14 overseas locations milaina. Itu logot, 1,563
candidates re-examination karney ahishey. Court laga order alawa, NEET UG results ke center-wise aro city-wise check kuriboley itia tak eku khobor nai.
Add Comment