Shillong, December 16, 2025: North- Eastern Hill University (NEHU) laga four dangor stakeholders khan para melai kena Shillong campus laga Pro Vice Chancellor laga resignation mange ase. Tai khan para koishe ki administrative khan eku be nakurei aro university laga jamala toh thik naparei karne tai khan resignation toh mange ase.
Monday, December 15 laga rati te, NEHU Students Union (NEHUSU), NEHU Teachers Association (NEHUTA), NEHU Non- Teaching Staff Association (NEHUNSA) aro Khasi Students Union (KSU) NEHU unit para ekta joint statement te koishe ki Pro Vice Chancellor S. Umdor toh Union Ministry of Education laga representatives khan para commitments dei laga hesab para functions kurebole nadei koishe. Utu commitment khan toh Executive Council Members khan laga ahge para loishe koishe.
Signatories khan laga hesab te, utu assurance khan toh stability, transparency aro university toh bhal para chule bole karne ase koishe. Hoile be tai khan etu te act kurebole naparei toh students, faculty aro stuff khan laga confidence harai deshe koishe.
Bodies khan para tai khan laga concern othai she, Registrar aro Finance Officer laga resignation te. Bodies khan para koishe ki Vice Chancellor Professor p. S. Shukla laga pressure karne tai khan resign kureshe. Aro VC toh Shillong laga campus te be nai koishe. Tai khan para koishe ki enia khan ho karne aro administrative crisis toh aro dangor ho ase University te.
Add Comment