May 02, 2025, 06:48 PM: Itu Moatsu Festival 2025 (Mini Hornbill) laga second din celebrate kurishey, ekta civic reception logotey, itu Nagaland laga Chief Minister – Dr. Neiphiu Rio laga honour tey, Imkongmeren Sports Complex, Mokokchung tey, 2nd May, 2025 tey.
Itu Festival laga homoi tey kotha kuri kena, Dr. Neiphiu Rio para itu Ao community ke thanks janaishey, Education, Gospel aru bishi alag alag aspect khan ke pioneer kuria nimitey, Naga society laga. Tai para Ao community ke torchbearer khan hoa nimitey bhi appreciate kurishey aru tai para stress kurishey ki, bishi manu khan toh tai khan ke sai aru akha kurey ki tai khan itu legacy toh agey loijabo koi kena.
Itu Naga culture, custom khan aru tradition khan laga rich thaka opor tey kotha kuri kena, tai para mention kurishey ki, itu British laga rule tey -savage khan aru lengta manu khan asey koi kena koi thakilebi, tai khan toh hoiley Naga manu khan kena thaki thakishey utu tey interfere kuria nai. Aru eneka thaki kena, tai khan 1873 laga Bengal Eastern Frontier Regulation (BEFR) aru Inner Line Regulation khan laga provision khan itu jaga tey dhali dishey, aru itu foreigner khan toh hoiley itu rural administrative system logotey interfere kuria nai, itu Naga manu khan laga. Tai para mention kurishey ki, independence hoa pichetey bhi, itu legacy toh continue hoi kena ahishey.
Itu Moatsul aga Festival laga significance tey, itu Chief Minister para mention kurishey ki, itu festival toh hoiley sow kuria laga season khotom hoa ke celebrate kuria laga asey aru itu toh ekta blessing asey, pani aha laga aru ekta bhal harvest hoa laga.
Add Comment