Nagaland, October 30 – Training curriculum laga part hisap te, total 29 trainee officers khan 55th Basic Course North Eastern Police Academy (NEPA) para 25 aru 26 October 2025 te Assam Rifles visit korishe Phek, Meluri aru Ziphu, Nagaland te. Etu visit organise kora hoishe jate trainees khan janibo pare Assam Rifles laga operational role, functioning aru contribution kene peace aru security maintain kori ase North Eastern region te.
Interaction time te, trainees khan ke briefing diya hoishe organisation laga structure, border management, counter-insurgency operations aru civic action initiatives uporte — juntu Assam Rifles para undertake kora ase remote aru border area khan te. Assam Rifles laga officers aru jawans khan bhi taikhan laga experience aru challenges share korishe — especially law and order maintain koribole aru local community majote harmony promote koribole.
Trainees khan ke bhi janai diya hoise kinika Assam Rifles, civil administration, local police aru dusra security agencies khan milikina closely coordinate kori ase, jate governance aru stability effective hobole region te.
Etu visit para NEPA trainees khan valuable insight lobole paishe India laga ekta oldest paramilitary force laga functioning uporte, aru taikan buji paishe kinika inter-agency cooperation important ase internal security maintain koribole. Trainee officers khan para gratitude janai dishe Assam Rifles ke taikhan laga warm hospitality aru informative sessions karone, aru appreciate korishe organisation laga vital role as the “Sentinels of the North East.”
Election Commission of India para Bihar Assembly Election 2025 nimite border preparedness review korishe, aru strict vigilance rakhibo dikhai dishe jate election shanti aru inducement-free hobole
Election Commission of India (ECI) aji ekta coordination meeting rakhi dishe regarding inter-state border preparedness for the upcoming Bihar Assembly Elections 2025. Meeting te attend korishe Chief Secretaries, DGPs aru Principal Secretaries (Home) from Bihar, Jharkhand, Uttar Pradesh aru West Bengal, logote officers from Ministry of Home Affairs, Ministry of Railways aru enforcement agencies.
Meeting te Chief Election Commissioner (CEC) Gyanesh Kumar, logote Election Commissioners Dr. Sukhbir Singh Sandhu aru Dr. Vivek Joshi, review korishe Bihar aru neighboring states laga law and order arrangements, especially monitor kuribole movement of men, material aru money — including arms, liquor, narcotics, freebies aru anti-social elements — across the inter-state aru international border with Nepal. Special attention dikhai dishe bordering districts te aru border sealing te, jate peace aru order maintain hobole.
CEC Gyanesh Kumar emphasise korishe ECI laga commitment to ensure free, fair, peaceful aru inducement-free elections, aru sob stakeholders ke call up kori dishe to work together seamlessly to protect the integrity of the election process.
Commission voter-facilitation measures bhi review korishe, jate polling day te voters khan ke ekta smooth aru pleasant experience thakibole. Chief Secretaries aru DGPs, logote central agencies laga heads khan ke direction di dishe to ensure peaceful aru inducement-free General Election for the Bihar Legislative Assembly 2025.
Bihar border te vigilance aru checking barha dibole order di dishe Jharkhand, Uttar Pradesh aru West Bengal laga Chief Secretaries aru DGPs khan ke, logote Sashastra Seema Bal (SSB) ke bhi instruction di dishe to maintain strict monitoring at inter-state check posts.
Central agencies — including Narcotics Control Bureau (NCB), Income Tax Department, Central Goods and Services Tax (CGST) aru Directorate of Revenue Intelligence (DRI) — khan ke instruction di dishe to intensify operations before the elections aru act promptly on actionable intelligence to prevent illegal activities aru ensure fair polling process karone.
Add Comment