Agencies, 09 November: Tuesday te Nepal Army chief Gen. Prabhu Ram Sharma toh India te jar din visit nemite ahibole suru korise. Tai toh tuita neighboring desh majote defense sumbaan bonabo nemite thakibo. Indian counterpart Gen. Manoj Mukund Naravane laga invitation te New Delhi te lok kora samai, Gen. Sharma ke title of honorary ‘General of Indian Army’ debole ase. Etu khobor toh Nepal Army para ekta press release te koise.
COAS (Chief of Army Staff) General Sharma ke toh November 10, 2021 te investiture ceremony samai India laga President, Ram Nath Kovind para Indian Army laga honorary General laga rank debole ase koise.
Release te Gen. Sharma toh Army Staff of Indian Army laga Chief, General Naravane para official invitation te lok koribole ase koise. Nepali Army Wives Association laga chairperson aro Army Chief laga maike, Sunita Sharma be tai logote shaath/accompany thakibo koise.
Lok kora samai, Gen. Sharma para defense secretary Ajay Kumar, Chief of Defence Staff General Bipin Rawat, Army chief Naravane aro Air Chief Marshal V R Chaudhary logote meetings lobole ase koise. Tai Nepal te November 12 te koraijabo koise.
Add Comment