Nepal, September 3, 2026: Nepal police khan para koi she ki, manu murea laga number toh 1,222 punchi she, eight districts para body khan pa piche, aro etia be 4,875 manu etia be napai kena ase, flood toh beshe town aro bosti bea kure dea piche Nepal te.
Security forces khan 348 bodies pai she Chitawan district te, 218 body pai she Nawalparasi East te, 208 bodies pai she Nawalparasi West te, aro 155 bodies pai she Nuwakot te. Etu neshe na na 127 bodies pai she Rasuwa te, 69 bodies pai she Gorkha te, 60 bodies pai she Dhading te, aro 38 bodies pai she Tanahu te, National Diaster Risk Reducation aro Management Authority laga data hesab te.
Napai manu betor te, 583 manu toh foreigner ase koi she, Joint forces han mele kena etia tuk 11,993 manu ke bacha bole pare she helicopter aro mati rasta khan cholai kena. 21,314 neshe na security forces pathai she besare bole aro bacha bole laga operation te kam kure bole karne.
