Kathmandu, September 13 – Nepal laga next parliamentary election March 5, 2026 te hobole ase, President Ramchandra Paudel paar announce kurishe. Etiya political situation bishi turbulent hoishe, karon Prime Minister K P Sharma Oli resign kurishe aru Sushila Karki Nepal laga prothom female Prime Minister hoi jaishe.
Karki, ek former Chief Justice, September 12, 2025 te swearing in hoishe aru 275-seat House of Representatives dissolve kuribole recommendation dishe, juntu President accept kurishe. Etiya six-month interim government start hoishe, juntu election organize kuribole kam kuri thakibo.
Nepal laga recent unrest government social media ban kura karone start hoishe. Protest toh majority youth aru “Gen Z” movement khan para lead kurishe. Etiya protest te 51 manu, India origin te ekjun manu included, murishe. Protest te Prime Minister Office aru Singha Durbar (Nepal ministries center) burn hoishe.
Etiya, authority khan curfew aru restriction lift kuri ase, aru Kathmandu te normal life slowly return hoi ase. Prime Minister Karki cabinet form start kurishe aru hospital visit kuri ase protest te injured hoa khan ke lok pai ase.
Parliament dissolve aru election date fix kuribole decision khan major political parties aru Nepal lawyers body criticize kurishe.Tai khan decision khan unconstitutional buli aru democracy te major setback buli describe kurishe.
Etiya Nepal, political stability restore kuribole karone election process lobole prepare kori ase, aru country khan hope ase ki nutun government peacefully establish hobo.
Add Comment