Kathmandu, April 9, 2026: Nepal para former Prime Minister Sher Bahadur Deuba ke dure bole laga warrant issue kure she corruption karne, officials khan para enia koi she Thursday te, tai sob se latest dangor manu ase kun nutun government para dure bole khushesh kurea ase.
Mr. Deuba kun 71 sal ase, tai Nepal laga bahar te ase medical treatment lobole karne. Tai para he koi she ki investigationg khan kure bole shuru hoi she tai laga opor te aro ghor manu khan laga opor te be puisa laundering kurea laga mamla te. Tai para etu khoto khan toh mesa ase koi she.
Authorities khan para Mr. Deuba laga maiki, Arzu Rana Deuba, ke be dure bole laga warrant issue kure she, tai former Foreign Minister thake she. Mr. Deuba para koi she ki, tai aro tai laga maiki etia Nepal laga bahra te ase long term medical treatment karne.
Nepali media khan para koi she ki tai jun toh etia Singapore te, aro police khan Interpol notice pabole khushesh kurea ase.
Add Comment