October 4, 2020. Nepal Prime Minister K P Sharma Oli laga chief advisor aro tuita(2) advisors logot coronavirus bemari paishe koishe. Nepal te etai dak 84,500 manuh logot coronavirus bemari hoikena ase aro 528 manuh morikena ase. Friday din te tests kora samay, oli laga chief advisor Bishnu Rimal, press advisor Surya Thapa, aro foreign affairs advisor Rajan Bhattarai logot COVID-19 positve test piashe koikena khobor ahishe. Etu khobor toh, tai khan laga social media accounts para janishe. Twitter aro Facebook te junai thishe ke, kaun manuh tai khan logot contact thakishe jenor hosari koriboli koishe. Nepapl te COVID–19 bemari toh 84,570 te uthishe, Saturday din te 2,120 notun coronavirus cases thura beche ase koishe. Etai dak te sob melaikena 2,044 manuh khan alag-alag health facilities para full bemar bhal howa beche discharged hoishe. Nepal te 62,740 manuh khan bemari para bahl hoikena ase. COVID-19 bemari para ath(8) jun mora beche, sob melaikena 528 manuh morikena ase.
Add Comment