October 3, 2020. Nepal te COVID-19 restriction thakina be, Friday din, 24 gonda samay, ek din pithor te sobse besi COVID-19 cases toh 2,722 paishe. Etu melaikena Nepal te bemari cases toh 82,450 hoikena ase. Friday din te Ministry of Health and Population para reporters logot koishe ke, COVID-19 laga cases recod hoishe aro etu oper te 24 gonda pithor te RT-PCR tests lowa be record thakishe. Local government para chaka-chaka te ban kora beche be COVID-19 bemari cases toh uthi ase. Jaeshwor Gautam, Ministry laga Spokesperson para junaishe ke, Nepal desh te 14,749 samples test kora bechete coronavirus cases toh 2,722 paikena ase. Himalayan desh te etai dak 21,234 active cases ase, etu pithor te 11,760 toh home isolation te ase aro 9,474 toh institutional isolation pithor te rakina ase koishe. Dosura 210 manuh toh Intensive Care Unit(ICU) te ase aro 29 jun toh ventilator support te ase koikena, spokesperson para janai thishe.
Kathmandu chaka te notun cases toh 50 per cent hoikena ase. Aro etu chaka te 24 gonda pithor te 1,638 notun COVID-19 cases paikena ase koishe. Kathmandu toh coronavirus cases laga hotspot ase aro Nepal cities pithor te sobse manuh besi thaka chaka ase. Etu chaka te 1,280 cases registered hoikena ase, etu samay osor Bhaktapur district te 196 cases hoikena ase. Lalitpur te 162 bemari cases ase. Nepal te COVID-19 bhal howa rate toh 70-80 per cent ase. Etu desh te 24 gonda pithor te 3,307 manu bhal hoishe, etu para sob melaikena bhal howa toh 60,696 ase koishe. Etu eke samay te, virus para 11 manuh morishe. Sob melaikena 520 manuh morishe.
Add Comment