Nepal te Mt. Everest tuh trecking season nemite kuli thishe

Kathmandu: July 31, 2020. Nepal te mountains aro Everest be melaikena kuli thishe, etu kula tuh autumn trekking aro climbing season nemite tourism sector khan ke othaboli ase koikena Friday din officials para koishe. Himalayan desh tuh March moina spring season bahar manuh aha samay te borders bondh kuri thishe, etu para manuh kam aro million dollars revenue komti hoishe. Desh phur lockdown thaka tuh jaa hafta te kulishe aro etai Nepal te tourism kam tuh kulikena ase, etu oper te mountaineering aro trekking” be ase koikena tourism department Mira Acharya para AFP logot koishe. Government para desh te international flights khan ke August 17 darik para land kuriboli thibo. Etu decision tuh, desh te jaa hafta 1,000 oper notun coronavirus paikena ase, sob melaikena 19,547 bemari cases ase koishe. Acharya koishe ke, Officials khan para ‘Kam’ tuh safety protocols te kuriase aro etu oper te visitors khan ke aha beche keman sdin quarantine te rakibo sai ase koishe.  Mingma Sherpa of Seven Summit Treks tuh sobse tangor Nepali expedition organizers ase, tai khan para koishe ke, manuh khan para call kuriase hoilebi aha beche keman din quarantine te rakibo sabo koishe. Ocha altitude te tuh sas lobo tuh dhuk ase, etu nemite te medical risk ase joti climbers khan ke bemari hoile. Lukas Furtenbach of Furtenbach Adventures para koishe ke, tai khan Nepal te jabole tuh sob cancelled hoishe.  Mountaineering experts khan para koishe ke, September-November moina tuh sobse danger ase, etu moina te hawa besi ase aro temperature tuh low thaki. Jaa saal laga traffic-clogged spring climbing season te record hoikena 885 manuh khan summit Everest te othishe, etu pithor te 644 manuh khan tuh south para thakishe aro 241 manuh tuh Tibet laga northern flank para thakishe koishe. Mountain te 11 manuh morikena season tuh kotom hoishe, etu majot te char(4) jun tuh overcrowding nemite morishe.