Net shutdown, jakara, curfew pra Manipur te students khan ke affect kuri ase : Academics

Manipur, 8 December 2024: Manipur te jakara hoi kina, tadeh internet bon kuribo, curfews aro general strikes pra academic aro career pursuits students khan laka affect kuri ase, kun khan higher education pursue kuri ase northeastern states te, bishi educationist pra koishey. Hotai internet shutdowns pra, students khan duk pai ase online resources access paboleh aro bishi wala recruiters khan Manipur te hesitate kureh campus khan visit kuribo leh, kileh maneh curfews aro general strikes nimite, enika koishey. Head of Deaprtment of Computer Science and Engineering aro National Institute of Technology (NIT) Manipur laka placement laka in charge, K H Johnson Singh pra PTI khan ke koishey, taikhan recruitment drive te khomti hwa toh dikhi pai ase, state te jakara toh ola pichideh. At least  40 companies (online mode) ahishey aro  70 students ke chuni shey etu saal. Etu toh bishi komti ase, jakara naula agae te compare kuri leh. Taikhan  100 students aro 50 companies nishina laka selection expect kuri thaki shey. Tai pra koishey, Recruiters kun khan offline mode laka interview prefer kureh taikhan campus te ahibo leh bishi reluctant ase interview nimite. Taikhan NIT campus toh safe ase aro airport pra khali 20 minutes dur ase koileh b, media te tyres khan jula laka rasta te, manu group laka jakara aro peripheral jaka te gunfights khan pra taikhan laka psychology tho affect kuri dishey. Taikhan laka eighty per cent students toh hostels te thake campus laka bitor te he aro 24 hours ek din te broadband access pai, enika koishey.