April 2, 2024: Tuesday din deh Israeli Prime Minister Benjamin Netanyahu para admit kuri shae, taikan laka armed forces kan para Gaza laka air strike deh satha aid workers kan keh murai di shae kui nah. Tai para strike tho unintentional taki shae kui shae.
“Unfortunately, last din deh ekta tragic incident hui shae. Mukan laka forces para najani nah innocent manu kan keh murai di shae Gaza Strip deh,” Netanyahu para kui shae hospital chara time deh. Tai hospital deh ekta hernia operation kuri bo karne jah taka ase.
“War deh hui takeh, mukan last tak investigate kuri taki bo…. Mukan government kan lokot deh contact deh ase. Etu aro hobo nadibo karne mukan ki kuri bo pareh, sob kuri bo.”
United States aro Britan nishi nah dangor international allies kan para Israel keh backlash di shae etu hua karne aro etu kan aha piche deh Netanyahu laka admission tho ahi ase. Air workers kan tho ekta deadly strike deh murai di shae Gaza Strip deh. Taikan sea para aha aid kan tho unload kuri taka time deh strike tho aha ase.
Add Comment