Agencies: Wednesday te Israel Hayom daily newspaper khobor kurishe Prime Minister Benjamin Netanyahu toh US President Donald Trump ke Washington te lok kuribole echa thaka janaishe. Etu toh April te hubo thaka national elections laga khali dui hafta agote lok kuribo ase.
Sources para pro-Netanyahu paper ke koishe ke meeting laga arrangements toh etiya bhi finalize hubole baki ase. Hoile bhi meeting toh White House te he hubo. Etu meeting toh ketiya Netanyahu March te American Israel Public Affairs Committee policy conference nimite jabo etu samay te hubo.
Netanyahu source logote meli kena thaka source para paper ke koishe Prime Minister toh regularly annual AIPAC conference te kotha kuri ase. Aro paln hesab te tai etu saal te tai Washington te bhi travel kuribo. Israeli Prime Minister toh elections pungchi bole osor hoile bhi Washington te visit kuribo.
Israeli Prime Minister aro US President toh September 2018 te huwa UN General Assembly sidelines te bhi lok kurishe.
Etu saal laga AIPAC conference toh March 24-26 te schedule kuri kena ase. Etu conference toh April 9 te hubo thaka laga elections laga khali dui hafta agote ase.
Netanyahu aro Trump toh March para bhi agote lok kuribole pare. Etu moina laga last te Davos, Switzerland te World Economic Forum te hubo ase.
Etu form January 22-25 tok chulibo ase. US federal government shutdown nimite Trump toh etu duiniya laga leaders laga annual gathering te ahibo paribo na nai etu toh etiya bhi clear nai koishe.
White House source Israel Hayom ke koishe etiya moment tea mi khan logote announce kuribole eku bhi nai.
Prime Minister logote AIPAC conference para Israeli politics laga dusra figures khan ke invite kuri ase janaishe. Etu te coalition aro opposition parties ke conference para invite kuri ase. Etu saal laga conference laga speakers roaster toh etiya tok publish kora nai.
Add Comment