Agencies, 25 September: NorthEast United FC nahoile NEUFC para Hero Indian Super League (ISL) 2020-21 agae te Mauritanian international Khassa Camara ke sign korise. Etu khobor toh Thursday te club para janaideya laga ase.
27-sal midfielder toh first signing ase Highlanders para kora. Etu agae te Gerard Nus ke toh head coach nemide juna thakise.
Club para be ahibole season agae te Uruguayan Federico Gallego laga services rakhise.
Mauritian player para tai laga youth career toh France te Ligue 2 side ES Troyes AC’s B team logode suru kora ase.
2014-15 season laga adha loan te French third-tier side US Boulogne logode thaka bechide tai toh Greece te GS Ergotelis te join hobo nemide jaishe.
Adha session bechide Camara toh AO Xanthi te jaishe aro team laga midfield te kaam laga hoise. Tai khan nemide tai 76 league te olaise aro tuita motob deshe.
France te jonom paise koilebe Camara toh Mauritania nemide represent koribole junishe aro tai khan nemide 2019 African Cup of Nations te khelishe.
Tai toh tai laga side nemide tournament t etui par olaise. Kelay koile tai laga team toh group stage te eliminate howa thaka nemide.
2013 te international ola bona bechide Camara toh etiya national team nemide 27 caps ase.
Park laga middle te gara present thaka Camara para central midfielder nahoile defensive lynchpin nemide gara role koribole paribo.
Lalengmawia aro Ninthoi nesana midfield te thaka logode head coach Nus toh last season para NEUFC laga performances phal koribole sabo aro Camara aro Gallego nesana para etu toh hobo nemide kaam laga role koribo lakibo.
Add Comment