New Caledonia Te Tsunami Warning

NOUMEA: Authorities koishe agi ekdam jor para mati hela para New Caledonia te tsunami alert dishe aro Pacific island khali koribole koishe. Mati hela toh 7.5-magnitude laga thakishe.Mati hela para damage huwa eku immediate khobor nai. Hoile bhi Pacific Tsunami Warning Centre koishe pani laga waves observe korishe aro koishe waves toh three metres tok hubo para koishe. New Caledonia te thaka manu khanke urgent text message dishe. Etu message hesab te New Caledonia manu khan ke joldi refuges te jabo le koishe. New Caledonia  toh New Zealand laga north side te ase.Eric Backes director of the islands’ civil defence authority local radio ke koishe Tai khan east coast aro sob Loyalty Islands te alert sirens active kori dishe koishe. Basile Citre Loyalty Island of Mare laga municipal official koishe etiya tok situation toh control te ase.