Rore poisa ekta money laundering case te seize kurisey kuntu toh West Bengal te thaka Wet Technologies Private Limited aro alag company khan para nakli call centre scam kora laga connection te asey.
Probe agency khan para kuwa hisap tey etu call centre laga asli malik toh Kunal Gupta, tai laga family members , companies aru tai logotey milikina kam kora manu khan asey koishey. Kunal Gupta ke Enforcement Directorate khan para September 10 tarik te dhurisey koishey .
Etu jurum kura laga laga proceeds tu 35 Bank account tey poisa jama kura asey aru 14 gari aro 12 hila hili kuribole napara property khan asey koishey kuntu laga kimat Rs 61.84 crore asey. Hila hili kuribole napara property khan te Goa te ekta resort , ekta dangor villa, 10 ta commercial offices, flats ,apartments aro Kolkata aro Bangalore tey mati thaka khan shamil asey.
ED khan para huda hudi kuribole karney zimmidari loishey kuntou Kolkata laga police khan para FIR kura hisap te ekdam serious jurum asey Met Technologies Pvt Ltd aro tatey kam kura manu khan uportey., manu ke dhoka diya laga,misha kua laga aru jurum kura laga sajish kora laga iljam asey.
Add Comment