New York shooter ke hunt kura time te nutun images release kuri shey

New York, 9 December 2024: Police khan pra suspect hunt kura laka nutun duita image release kuri shey gunman karne kun pra health insurance chief executive ke murai dishey New York te. United Health Care boss Brian Thompson, 50 saal ke pichi te goli mari dishey tai Wednesday din te conference ja time te, police khan pra koi ase etu toh targeted hamla ase. Saturday din te, city mayor Eric Adams pra koishey gunman laka osor te net toh tight hoi ase, aro etu manu pra police khan extensive search aro facial recognition technology chulai kina b police khan pra polai jaishey. FBI khan pra $50,000 inam offer kuri ase kun hoileh basuspect ke dhuribo laka khobor dileh. Etu bisari thaka manu laka sopse nutun duita image toh gari pra loishey. Ekta te tai taxi laka pichideh te hooded sweatshirt  aro disposable face mask chulai thaka dikhi paishey. Second la te taike gari laka bahar te dikhi shey aro tadeh b face mask toh chulai thaki shey. Nutun appeal ahishey US media pra report kuri shey ekta backpack paishey tadeh jaka osor te aro bisas kuri ase etu toh suspect laga ase. Tadeh ekta Tom Hilfiger jacket paishey aro board game Monopoly laka paper la puisa thaki shey. Thompson, 50 saal, two bacha laka baba, taike goli mari dishey tai Midtown Manhattan te investor conference te ja time te tadeh tai schedule thaki shey khota kuribo leh. Police pra koishey gunman toh tadeh jaka pra theng pra first polai jaishey, Central Park te bike pra napula agae te. Firday din te, ekta manu etu Jhamala lokot mila pra CBS News ke koishey ki investigators khan bisas kuri ase suspect toh echa toh New York city te nathaka hoishey aro bus pra  Atlanta city te jai kina thakibo pareh.