SYDNEY: Prime Minister Scott Morrison koishe Friday din te hatiya chola manu kun para bishi puja kuri thaka manu khan ke murai dishe etu manu toh right-wing attankwadi thakishe. Etu ghatna toh New Zealand mosque te hoishe. Etu manu logote Australian citizenship bhi thakishe.
Morrison para press conference te koishe ami khan yate khara hoi kena etu biya kaam khilaf tea was uthai ase.
Tai para media khobor te confirm kurishe ke hatiyar chola manu kun para puja kuri thaka manu khan ke murai dishe tai toh Australia te jonom huwa manu ase. Hamla huwa mosque toh southern New Zealand city Christchurch te hoishe.
Tai koishe Australian security authorities khan para puchtach kuri ase ke hamla kura aro desh te eku bhi mela laga kotha ase na nai. Hoile bhi etu Australian hatiyar chola manu opor te agay eku bhi kotha kuribole mana kurishe.
Add Comment