Brazil, 31 January : Neymar alak para Al Hilal, Saudi Pro League laga club, logote thaka contract cancel kori dise mutual consent para, aru tai nijor former club Santos, Brazil te wapas jai ase. Itu attacker laga Saudi Arabia te thaka time beshi injury-hit thakise, jun tu time te tai sirf satbar khelise aru ekta goal mari dise, juntu tai August 2023 te 77.6 million pounds laga deal para club join korar pichete hoise.
Neymar ke Saudi Arabia laga 2034 World Cup laga brand ambassador bhi appoint kura karone, club para tai ke 24.16-56.37 million pounds laga settlement bhi disey, itu contract termination laga part te.
Reports hisab te, Neymar laga Al Hilal contract te tai 83.74 million pounds ek saal te pay pai thakise. Tai 18-month stay te total 125.61 million pounds earn kuri dise. Neymar laga career PSG para jabole pichete dangor downfall te jai ase. Brazilian player hardly khelise aru tai laga weight bhi beshi bari jai se.
Tai wapas Santos te ahibole karone, tai nijor professional career suru kuri thaka club te wapas ahise. Tai laga first stint te, tai Copa do Brasil (2010), Campeonato Paulista (2010, 2011, 2012), Copa Libertadores (2011) aru Recopa Sudamericana (2012) jiti dise. Tai ekbar Campeonato Paulista (2009) te runners-up bhi hoise.
Add Comment