Agencies, 12 September: Paris Saint-Germain (PSG) forward Neymar para tai toh training te korai ahibo nemide ektum kushi ase koise kelay koile tai coronavirus para phal howa nemide aro isolation para pahar ola nemide.
28 sal striker toh PSG squad te etu par par positive test ola seven players majode ekta thakise. Tusara infect howa player khan toh Kylian Mbappe, Mauro Icardi, Angel Di Maria, Leandro Paredes, Keylor Navas aro Marquinhos thakise. Etu khobor toh Xinhua news agency hisaab te ase.
Friday din Brazilian para Twitter te tai toh training te korai ahishe aro CORONA para pahar howa nemide ektum kushi ase kowa thakise.
Etu key players absent howa nemide Thomas Tuchel laga side te komchor bonaideya thakise. Etu para Ligue 1 defending champions (tai khan) para tai khan laga title defence toh Thursday din notun promote howa Lens logode 0.1 para hari kena suru howa thakise.
German coach toh Wednesday’s match te suru line-up nemide field te bhorda koribole nemide 18 sal league debutants Kays Ruiz-Atil aro Arnaud Kalimuendo aro 20 sal goalkeeper Marcin Bulka nesana youngsters khan anibole ola thakise.
Friday te PSG para Alessandro Florenzi ke toh ek sal loan te Italian Serie A club Roma para signed korise kowa thakise. Aro etu sign kora te ketiya loan toh next summer te kothom hobo kenibole option be ase.
Add Comment