NFHRCC Para Select Kuri Kena Thaka Firm Khan Ke Agreement Sign Kuriboley Aru Collect Kuriboley Koishey

December 15, 2024, 06:33 PM : Nagaland Foothills Road Coordination Committee (NFHRCC) para toh hoiley itu select kuri kena thaka contractor firm khan ke, 2-lane Foothills Road Construction Project nimitey itu Implementation Agreement form khan sign kuriboley aru collect kuriboley koishey, December 17^th laga 11:00 AM tak, NFHRCC base office, Kher Mahal, Dimapur tey, sov divisional executive engineer khan logotey, kun bhi fail nakuri kena. Sunday tey ekta statement issue kuri kena thaka tey, FHRCC convenor Supu Jamir, o-convenor Hokiye Yepthomi, general secretary W. Lemba Chang aru asst general secretary Chenithung Humtsoe para koishey ki, itu decision toh hoiley ekta meeting loishey, December 14^th tey, WD (Roads & Bridges) laga minister – Kaito Aye logotey, tai laga residential office tey para, Kohima tey. Itu committee para itu matter laga urgency toh underscore kurishey, ensure kuriboley karney ki, itu lamba homoi para rukhi thaka Foothills Road Project toh hoiley complete hoishey koi kena, itu di kena thaka time/ homoi bhitor tey, ekta dignified aru reliable connectivity system laga raasta thakiboley, Nagaland tey.