March 31, 2024 : Itu Northeast Frontier Railways (NFR) toh hoiley kotha koi thakishey, passenger train laga service shuru kuriboley, Tuli para Dimapur majetey, ekta trail basis tey. Itu toh hoiley kunba issue khan asey, railway connectivity laga development laga regard tey, itu Business Association of Nagas (BAN) laga delegation logotey meeting loa homoi tey, kuntu toh hoiley tai khan laga president – LM Jamir aru NFR chulai jawa General Manager – Chetan Kumar Shrivastav para meeting loi kena, March 26th tey, NFR Headquarters, Maligaon, Guwahati tey.
Bishi kotha khan bhabana kuria pichetey, Tuli railway station laga development laga regard tey, Shrivastav para itu BAN laga delegation ke assure kurishey ki ekta high level team toh hoiley Tuli railway station tey visit kuribo, kuntu pichetey judi assess kuriboley itu poila Diesel Electric Multiple Unit (DEMU) passenger train service toh chulaboley, Tuli para Dimapur majetey, ekta trail basis tey.
Add Comment