Kohima, November 28: Rengma tribe para RSA ground Tseminyu Old Town deh 2019 Ngada Mini Hornbill festival manaise. Etu toh 27th November para suru howah ase aro etu toh 28th November 2019 deh kothom hoise. Etu time deh Phensuny aro Tseminyu villages, Tsogin Cultural Troupe, Kithagha group, aro Kandi Group Tseminyu New Town para flok songs aro dances kora thakise.
Programme deh Advisor, R. Khing para Ngada greetings korise. Tai para Rengma laga foregathers para sob fifty four (54) festivals toh kenaga loise etu opr deh koise. Tai para Rengma bhai aro bhoni khan Christians hoise koilebe etu laga meaning jani thakibole koise.
President Angami Public Organisation, Dr. Kepelhusie Terhuja toh Ngada guest nemide thakise aro tai para Tenyimia Units laga sob Rengma manu ke Ngada greeting korise. Tai koise, Rengmas toh population deh komti ase hoilebi Rengma laga mathi toh besi ase. Tai para be Remgma manu khan neighboring tribes logode phal sambaan thakibole koise.
Chairman, Organising committee of the festival celebrations, Nokchasashi Kichu ADC Tseminyu para vote of thanks koise. Programme deh Yhunchulo Khing chaired thakise. Welcome address Benjamin Lorin para korise. Invocation aro closing prayers Haiwala Apon, Executive Secretary CRBC aro Athinglo Khing, Pastor Tseminyu Town Baptist Church para korise.
Add Comment