November 5, 2023: UFC char piche deh, former heavyweight champion Franics Ngannou para manu keh impress kuri di shae jua sal boxing ring deh. Ngannou taila debut Tyson Fury laka against kili shae. Manu bishi wak tho UFC star eman bhal para naki libo pai taki shae houle b Ngannou tho tosta rounds deh b Fury keh match kuri taki shae. Ngannou third round deh Fury keh girai di shae aro pura contest deh Fury keh duk di taki shae.
Hoile b last deh spilt decision para Fury jiti shae, Ekta judge para 95-94 socre di shae Ngannou laka favor deh aro tuita judge para Fury laka favour deh 96-93 aro 95-94 score di shae. Bishi wak manu kan verdict lokot disagree kuri shae hoile b alak manu kun Ngannou lokot close ase, taikan para taila effort keh praise kuri shae. Dana White kun UFC laka president ase, tai para “unbelievable” ase kui shae.
Derrick Lewis kun UFC heavyweight laka member ase. Tai para bout tho dika nai kui shae hoile b manu kan para Ngannou laka performance deh kobor di shae kui shae. “Mui fight tho dika nai hoile b huna tho huni shae. Mui laka papna deh Ngannou para MMA fighters kan boxing deh b chancfes ase kui nah dikai di shae.” Lewis para ekta zoom call deh kui shae.
Add Comment