September 06, 2024: Para tak pura effort dhali kena kaam kuri asey, itu raasta toh aru banai loboley, aru poila nishina kuri diboley, itu disaster para hit kuria area khan tey, kuntu toh hoiley National Highway – 29 tey hoishey, 3rd September, 2024 tey. NHIDCL Authority khan laga effort khan logotey aru thik homoi tey itu State Government para intervene kuria para, ekta phat para emergency arrangement khan kuriboley parishey, ekta single lane laga National Highway 29 banaboley nimitey, kuntu toh hoiley khulidi kena asey, aru itya toh operational asey, 20 (bista) heavy vehicle khan hey jaboley di kena ekbar para aji laga din tey, 6th September 2024 tey. Itu State laga Government toh hoiley earnest effort khan dhali asey, itu raasta khan aru banai loboley aru poila nishina kuri diboley. President Shikaho Zhimo para chulai jawa laga Western Sumi Hoho aru President Atokiho Sumi para chulai jawa Western Sumi Youth Front para itu disaster para hit kuria jaga tey visit kurishey, Pherima tey, solidarity dikhaboley aru itu disaster para dukh pawa manu khan ke sympathy diboley karney.
NH- 29 toh hoiley olop solop khuldi di kena asey, emergency nimtiey
Add Comment