NHPC para Arunachal ke cold chain saman dishe

May 16, 2021. Khobor bhal ekta te, Arunachal Pradesh government pithor te Corporate Social Responsibility Covid19 vaccination programme nemite NHPC para alag-alag kisem saman besi thishe koishe. Sob melaikena 25 Ice lined refrigerators toh state director of family welfare, Dr E Rumi laga hath te thishe. Etu oper te aro jowa hafta Arunachal Pradesh government logot 13 Deep Freezers be thikena ase. Etu saman laga dham toh sob melaikena Rs 29.7 Lakh ase. Dosura khobor ekta te Union health ministry para Assam government ke Covid-19 bemari pheli thaka nemite tangor hoshari kam koriboli janaishe. Health ministry laga joint secretary, Luv Aggrawal para koishe ke, Assam melaikena dosura states neshina Kerala, Tamil Nadu, Andhra Pradesh, West Bengal, Odisha, Punjab, Himachal Pradesh and Puducherry te hotai din Covid-19 bemari cases toh besi othi-ase janaishe. Tai aro koishe, April 15 darik te active cases 85% para Saturday din dak te 15.1% te lamishe. Aggrawal para aro janaishe ke, hotai din laga notun cases khobor toh komti hoi ase, hoilebi hotai din manuh mora khobor toh huni ase. Union health ministry statistics hesab te, 11 states te 1 lakh active cases oper jai ase aro etu oper te 8 states te active cases toh 50,000 para 1 lakh majot te ase koishe. Statistics hesab te 24 states te positive rate toh 15 % te ase. States neshina Maharashtra, Delhi, Gujarat, Uttar Pradesh te hotai din laga Covid cases toh komti hoi ase janaishe.