NHRC para Centre logot notice dishe

May 14, 2021. Uttar Pradesh aro Bihar te mora manuh Ganga paani te float kora complaints powa nemite National Human Rights Commission (NHRC) para Union Jal Shakti Ministry logot notice issue korishe. “(NHRC) para tuita(2) states laga chief secretaries logot notice issue korishe aro Union Ministry, Jal Shakti para 4 hafta pithor te action lowa report thiboli koishe,” statement te janaishe. Uttar Pradesh, Ballia district laga manuh para koishe ke, komti hoilebi 52 bodies neshina Narahi jaga osor Ujiyar, Kulhadia aro Bharauli ghats te thikishe, etu neshina khobor toh Bihar te be Ganga paani te bodies float kora besi ase. NHRC para statement te koishe, public authorities para kam toh bhal para nakorikena mora body toh Ganga te phelai ase koishe. India te second wave coronavirus bemari besi beya jai thaka nemite cremation grounds aro burial grounds toh desh pura te purta hoishe. NHRC’s statement te aro kowa toh, “ami khan laga Ganga paani te mora bodies phela toh National Mission for Clean Ganga project of the Ministry of Jal Shakti laga neum te nai aro etu oper te kelaaf ase. May 11, 2021, darik te complaint powa toh, media khobor hesab te Ganga paani te COVID-19 para manuh mora laga bodies toh besi thiki ase. Complaint te koishe, mora bodies para kaun manuh khan Ganga paani te kam kori ase tai khan oper te besi serious thakibo, koikena NHRC para janaishe. “aro complaint te jodi etu mora bodies toh COVID bemar manuh nahoile be etu neshina neum toh society logot sorom ase aro human rights neum te nai,” koikena NHRC para aro janaishe.