NHRC ulaikena 25 sal huise

NEW DELHI, OCTOBER 12 : National Human Rights Commission (NHRC) koi kena “Watchdog of Democracy” nemite thaka toh Friday din te 25 sal huijaise. Etu karne etu NHRC kan Vigyan Bhawan, Friday sam phale Silver Jubilee Foundation din manabole kurise. Etu ke Prime Minister Narendra Modi bi ahe kena thakise koise.Etu NHRC toh October 12, 1993 sal te ula laga ase. Etubi Protection of the Human Rights (PHR) Act, 1993 laga bitorte. Aro etu 25 sal hua karne tai kan Friday din pora suru kurikena Sunday dak manabole ase koise.Etu Din toh Prime Minister Narendra Modi pora khushi pora suru kuridese. Etubi Home Minister Rajnath Singh aro Union Minister of State (Independent Charge) for Communications Manoj Sinha 2 jun bi ahe kena thaka time te.Etu Din Saturday din aji mana time te toh etu Commission kanbi “Human Rights Mela” aro Human Rights Street Theatre Festival” koi kena Central Park, Connaught Place laga Amphitheatre Arena jaka te manabole ase. Aro Sunday din te toh “Human Rights Walk” hisabte Human Rights laga husir janaidebole karne manabole ase koise.