NIA para Lashikar-e-Taiba recruiter thurishe

Srinagar: School teacher kaun para Pakistan-based terrorist organization Lashikar-e-Taiba (LeT) nemite recruiter ase, Thursday din tai laga ghor north Kashmir para thurishe koikena National Investigation Agency (NIA) para khobor toh junaishe. Altaf Ahmad Rather toh Jammu & Kashmir’s Bandipora district te thaka manuh ase aro tai ke jowa saal West Bengal te ekta case registered kora te wanted thakishe. Tai logot melikena kam kora maiki ek jun Tania Parveen koikena terror group logot linked thaka thurishe, koikena probe agency laga spokesman para koishe. “Investigation kora hesab te Rather toh Bandipora te school teacher ase  aro tai toh LeT. Parveen logot melikena kam kora maiki ase, tai jun toh social media platforms para lok korishe. Tai para LeT members nemite Pakistan te violent ‘Jihad” (holy war) India logot larai koribo nemite jawan manuh ke recruit kori thakishe” tai para aro koishe. Spokesman para koishe ke, Parveen ke jowa saal Let logot melikena thaka nemite West Bengal Police para thurishe. Tai oper te West Bengal’s North 24 Parganas district te Indian Penal Code, Unlawful Activities (Prevention) Act aro Information Technology Act pithor te Badurai police station para case registred korikena ase. Probe agency para tai ke aro April 5, 2020 te case toh aro re-registered korikena state”s police laga hath para investigation loishe. Agency para tai logot charge-sheet toh filed korikena ase, koikena spokesman para aro koishe. Etu nemite aro case toh investigation jai ase koikena tai para aro janaishe.