NIA para Mumbai cop thurishe

April 23, 2021. Industrialist Mukesh Ambani laga ghor osor te SUV gari ekta te explosives-laden powa te investigate korikena , Friday din NIA para Mumbai police inspector Sunil Mane ke connection thaka nemite aro businessman Mansukh Hiran ke morai deya case te thurishe, kiokena official para janaishe. “Mane ke National Investigation Agency (NIA) para Thursday din te Ambani security scare aro Mansukh Hiran murder cases oper te sawal koriboli mathishe,” koikena official para koishe. Tai toh etu case te samil thaka nemite thurishe. Mane te olop thiri thaka beche court te loikena jaboli ase, officials para janaishe. Central agency khan para aro olop din akhe te 4 jun ke thurikena ase, etu pithor te Mumbai police officers- Sachin Waze and Riyaz Kazi, tai jun be etu case te samil ase koikena khobor para janaishe.