NIA pra Punjab dae raid marishey

Punjab, June 6: National Investigation Agency (NIA) pra Thursday dae Punjab lah nuota jaka dae raids luishey , designated terrorist Goldy Brbar lah associates khor dae, firing aro extortion lah case upur. Etu anti-terror agency pra bhi public lokot appeal kurishey etu terrorist aro tai lah gang lah khobor upur. Etu development tho ahishey, Goldy Brar tho karni Sena chief murder case dae charge sheet kuri kina. NIA pra public lokot telephone numbers  release kurishey terrorist  aro tai lah associates lah khobor diwoley. “Etu khobor tho landline number 0172-2682901 nohoiley mobile number 7743002947 (telephone/whatsapp karney) dae share kuriwo parey. Etu informer lah identity tho lokai kina rakhiwo”, etu NIA pra ekta statement dae koishey. Etu case tho originally local police pra January 20, 2024 dae register kurishey aro etu NIA pra Mary 18 dae lui luishey.