Nia Sharma para Khatron Ke Khiladi jetishe

August 31, 2020. TV star Nia Sharma, kuan ke olop din agae te Ekta Kapoor laga serial Naagin 4 te thikishe, tai para film bonamanuh Rohit Shetty para bona reality show Khatron Ke Khiladi: Made In India, toh tai para jetishe koishe. Actress para Contestants neshina Jasmin Bhasin aro Karan Wahi ke final te haraikena trophy ‘CHAMPION’ tai uthaishe. Etu contest toh special edition thakishe aro adventure-based reality show neshina be hoikena etu moina agae te Khatron Ke Khiladi season 10 kotom beche bona ase. Season 10 toh actress Karishma Tanna winner thakishe koishe. Tai laga social media te jaikena, Nia para title jeta nemite kushi junai thishe. Rohit Shetty aro trophy logot noksa be loishe. Rohit Shetty para host kora Made In India edition, Khatron Ke Khiladi te jaa seasons laga champions khan– Jay Bhanushali, Rithvik Dhanjani, Bharti Singh, Haarsh Limbachiyaa, Aly Goni aro Karan Patel, etu manuh khan  be thakishe. “Khatron Ke Khiladi: Made In India, soruh kora samay besi fun aro special thakishe, hoilebi, etu season jetibo nemite moi bhapana etu ekla thakishe.Ami etu show te kam kora samay ami para dak bhal koriboli korishe” koikena Nia para janai thishe. Tai toh Khatron Ke Khiladi laga season 8 te be thakishe koishe. Sunday te grand finale thaka samay, Bollywood-style neshina lal carpet be contestants nemite raki thishe. Finale stunts samay, pythons, spinning, oper te pera thakishe aro three-part heist toh Rohit Shetty, Abhishek Rege para korishe. CEO, Endemol para koishe ke,“ami Nia Sharma logot dunyabad thiboli mon ase keli koile tai winner hoishe aro besi bhal para kam korishe. Etu show bhal bonaboli parah nemite besi dhuk korishe aro bemar thakilebi sob manuh bhal kam korishe. Khatron Ke Khiladi: Made In India laga team para be besi bhal kam korishe, aha season nemite sai thakibo”.