November 06, 2023 : Itu National Institute of Electronics aru Information Technology (NIELIT) Kohima para successful para khotom kurishey, tai khan laga Startup Pitching Competition toh, November 4th, 2023 tey, itu NIELIT, Kohima Auditorium tey para. Itu event laga theme toh “TECHNOVATE 3.0: Think, Visualize, aru Realize” thakishey, itu event tey 23 Startups khan ahishey itu State bhitor tey para, utu majetey 10 ke he shortlist kurishey, tai khan laga ideas toh koboley, judges laga panel ke. Itu event toh hoiley, Startup Nagaland, Dept of Industries & Commerce. logotey collaborate kuri kena organised kurishey, koishey.
NIELIT Kohima laga Director – Er L. Lanuwabang para itu attendees khan ke welcome kurishey aru stressed kurishey itu organisation laga dedication ke, collaboration, innovation, aru industry growth. ke promote kuri kena. Virtual chief guest, prof. Dr. M.M Tripathi, kun toh hoiley, NIELIT laga Director General asey, tai para appreciate kurishey aru congratulate kurishey itu Industries aru Commerce laga Department ke, Government of Nagaland laga, alag alag initiatives khan loa nimitey, entrepreneurship aru startup culture loa nimitey, itu state tey.
Add Comment