Agencies, 09 July: Filmmaker-producer Nikkhil Advani toh aro be tai laga notun series “The Empire” nemite streamer Disney+ Hotstar logote melishe. Mitakshara Kumar para direct kora drama te ekta warrior, adventurer, survivor aro ekta king laga jevaan opor te thakibo. Streamer para release te etu toh India te outstanding shows bona laga hobo koise.
Advani ke toh film “Kal Ho Na Ho”, “D-Day” and “Batla House” nesana khan nemite jani aro tai poila November Story” aro “Grahan” nemite streamer logote kaam kora thakise. Filmmaker toh project te showrunner hisab te kaam kora thakibole ase. Tai laga bhoni Monisha Advani para Madhu Bhojwani logote tai laga banner Emmay Entertainment para produce kora thakibo.
Filmmaker para statement te The Empire bona toh ekta dangor challenge thakise koise hoilebe ekta dangor samaan ase koise.
Advani para be Disney+ Hotstar logote mela para etu visual spectacle toh jinda te anibole parishe koise. Tai laga partners Monisha Advani aro Madhu Bhojwani aro tai toh Emmay Entertainment te ektum talented Mitakshara Kumar suru koribole ektum proud ase koise.
Add Comment