NEW DELHI: UK police koishe luka kena thaka jeweler Nirav Modi ke London para arrest kurishe. Aro tai ke Westminister Magistrate laga court te ahishe. Jeweler Nirav Modi toh 13,000-crore Punjab National Bank scam te wanted thakishe. Enforcement Directorate laga officers khan para koishe ke police para tai ke Holborn, metro station para tai ke Tuesday din te dhurishe. Etu jaga toh central London te ase. Etiya tai khilf te thaka case opor te puchtach chuli ase.
Ek hafta agote UK para Nirav Modi khilaf te warrant issue kurishe. Etu toh India para Nirav Modi khilaf te extradition laga reqest kura nimite ase. Hoile bhi extradition opor te fasla toh lamba legal process nohoile toh kuribole napre. Aro etu eki toh he Vijay Mallya opor te bhi hoi ase. Vijay Mallya toh 2017 saal te UK te polai jaishe. Etu poilaja laga karan toh tai logote para banks para Rs 9000 crore baki (loans) toh lubole kura nimite polai jaishe.
UK para agi-kali he Vijay Mallya laga extradition opor tea cha koishe. Hoile bhi etu kotha toh tai laga ghor office te fasi kena ase.
Add Comment