February 18, 2025, 06:06 PM: Nagaland laga Governor – La Ganesan para itu National Integration Tour flagging ceremony kurishey, Kohima Garrison Assam Rifles tey, 18th February, 2025 tey.
Itu flagging ceremony tey, itu Governor para koishey ki, tai toh hoiley bishi khushi asey, itu Flagging ceremony tey attend kuria karney, itu National Integration Tour laga, kuntu toh hoiley 13 Assam Rifles para organize kuria laga thakishey, itu HQ IGAR North laga esteemed aegis under tey. Tai para inform kurishey ki, tai toh hoiley jani kena khushi asey ki, itu initiative toh hoiley 4th February, 2025 para shuru hoishey aru 18th February, 2025 tey khotom hoishey koi kena aru kuntu para 16 enthusiastic thaka student khan ke aru charta teacher khan ke eke logotey ana nimitey alag alag college khan para, Kohima tey aru itu asey ki, tai khan toh hoiley itu Mumbai, Pune laga vibrant city khan tey visit kurishey aru sundor sundor landscape khan bhi visit kurishey aru Goa laga beach khan tey bhi visit kurishey. Itu toh hoiley hosa para bhi ekta mon khushi kuri diya laga asey ,tai khan laga experience kuria laga bhabana kuri sai jailey aru huni kena ki, keneka itu tour para tai khan opor tey ekta profound impact anishey, tai khan laga live tey.
Itu Governor para tai laga gratitude extend kurishey, itu Assam Rifles khan ke, tai khan laga commitment nimitey, national integration promote kuria karney aru itu tour organize kuria karney, eman dedicate kuri kena. Itu effort khan para itu youth khan bhitor tey unity laga spirit nurture kurey aru itu toh commendable asey aru appreciate kuriboley laga ekta asey.
Itu Government para itu aru bhi bishi student khan ke aru teacher khan ke encourage kurishey, eneka nishina initiative khan tey join kuriboley karney, aha din khan tey bhi, kiley koiley itu tour khan toh hoiley khali biraboley jawa ekla nahoi, itu toh hoiley bridge khan banaboley jawa laga bhi asey, friendship khan banaboley aru nationa pride aru unity laga ekta sense nurture kuria laga ekta tour asey. Eneka nishina initiative khan para hey moi khan hosa para bujiboley parey aru appreciate kuriboley parey, itu diversity toh, kuntu toh hoiley moi khan laga nation ke define kurey aru kaam kuri jai thakey ekta future karne kotey shanti aru ekjon ekjon ke buja buji kuribo pariboley laga.
Add Comment