NITI Aayog meeting agay te Manmohan Singh toh Congress Chief Ministers ke lok kurishe

NEW DELHI: 

Charta Congress chief ministers aro Karnataka laga HD Kumaraswamy toh poila laga prime minister Manmohan Singh ke Saturday fusur te lok kurishe. Meeting toh tai laga nijor nijor laga states laga samasiya khan opor te kotha kuribole meeting kurishe. Meeting te kheti kura manu aro tribals laga samasiya opor te kotha kurishe. Meeting te kotha kura points khan toh NITI Aayog meeting te loi jabole ase.

Madhya Pradesh chief minister Kamal Nath, Rajasthan chief minister Ashok Gehlot, Karnataka chief minister HD Kumaraswamy aro Puducherry laga V Narayansamy, khan toh Manmohan Singh logote meeting bhuheshe. Meeting toh Delhi laga Congress headquarterste hoishe. Chhattisgarh chief minister Bhupesh Baghel bhi olop samay pichete meeting te ahishe.

Janata Dal (Secular) nohoile bhi or JD(S) laga Mr Kumaraswamy toh Karnataka laga Congress logote meli kena thaka government ke head kuri cholai ase.

Sources para news agency Press Trust of India ke koishe ke Saturday te tai khan para propose kuri kena thaka agenda aro samasiya khan opor te kotha kurishe. Aro etu samasiya khan toh NITI Ayog meeting te Prime Minister Narendra Modi logote loi jabole ase.

Saturday te Mr Baghel, Mr Kumaraswamy aro Mr Narayansamy khan toh Prime Minister Narendra Modi ke alak para kotha kuribole matishe.