Nitish Katara laga murder convict bail mangise shati kuribole

New Delhi, 23 August 2025: Delhi High Court Friday din Center, Delhi sarkar aru Nitish Katara laga ma Nilam Katara logot notice issue korise, convict Vikas Yadav laga plea opor. Vikas Yadav, 54 sal, 23 sal jail te thaki ase, aru release aru interim bail mangi ase, karon tai khan laga biya September 5 te fix hoise aru taike ₹54 lakh fine arrange koribo lage. Justice Ravinder Dudeja case next hearing September 2 te rakhi dise, lawyer urgency manga karone. Tai khan laga plea koi ase ki 2015 te tia 25 sal fixed sentence te remission deny kora Article 21 violation ase. Yadav 23 sal opor jail te serve korise aru statutory remission court laga hat te nahoi koi kena lawyer koise. Supreme Court age taike High Court ahibole allow korise. Etu time te, Yadav Supreme Court order hisap te August 26 tak interim bail te ase, ma bimar karone. Kintu taike 26 tarikh te surrender koribo lagibo. Lawyer duita month interim bail mangi ase biya aru fine arrange karone, nahoile aru 3 sal jail bhoibo lagibo. Nilam Katara laga counsel oppose korise, koise ki convict karone interim bail nai—khali parole aru furlough ase. Judge bhi question uthai dise, ki High Court post conviction aru appeal dismiss hoa pichete interim bail dibole power ase naki. Matter pending rakha hoise. Vikas Yadav, UP politician D.P. Yadav laga lorka, aru cousin Vishal Yadav Katara murder te convict hoise, karon Katara Bharti Yadav logot relation rakhi thakise. Aru co-convict Sukhdev Pehalwan 20 sal sentence pichete July month te release hoise.