April 10, 2026: Niuland District Administration aru Civil Society khan para farewell bid kurishey, itu bahar jaboley thaka DC aru alag official khan ke, aru itu homoi tey itu notun para ahi thaka officer khan ke bhi welcome kurishey, itu district tey, 9th April, 2026 tey, DC laga Conference Hall, Niuland tey.
Bahar jaboley thaka DC – Sara S. Jamir kun toh hoiley Deputy Commissioner, Niuland hisap serve kurishey, 3 saal 10 muhina nimitey, tai para tai laga farewell speech tey alag alag achievement khan, challenges khan aru chuli thaka project khan opor tey highlight kurishey, itu district tey.
Sara para itu civil society khan laga crucial role acknowledge kuria homoi tey, itu district administrate kuria tey, tai para koishey, tai laga homoi tey civil society khan para cooperation aru support toh hoiley bishi bhal thakishey aru tai para itu bhi urge kurishey ki, eneka hey continue itu same support toh itya ahi kena thaka DC aru tai laga team ke bhi diboley.
Bahara jai thaka Officers, M. Khenpa EAC (Aghunaqa) aru Kelengunuo Solo EAC (Nihokhu) para tai khan laga speech deliver kuria homoi tey, itu bahara jai thaka laga DC- Sara Jamir laga exemplary role acknowledge kurishey aru tai khan para citizen khan ke thanks janaishey, tai khan laga support aru cooperation nimitey.
Itya laga ahi kena thaka Niuland laga DC – T. L. Kiusumong Tikhir para tai laga khata speech tey state kurishey ki, tai toh hoiley itu district laga citizen khan logotey eke milai kena kaam kuriboley sai asey aru koishey ki, eku district administration, department khan laga police toh tai khan duty khan successful para discharge kuriboley naparey, itu citizen & churches khan laga support nathakiley toh aru tai para tai laga akha thaka laga express kurishey, itu same support toh pabo koi kena, itu public para, tai laga predecessor hisap thaki kena.
Add Comment