July 07, 2025, 06:32 PM: Itya monsoon season chuli thaki kena aru bishi para heavy rainfall khan giri jai kena, itu nodi khan aru stream khan phaney, Niuland district tey. Sob recreational aru non-essential activity khan, itu nodi, stream aru pani jaga khan tey – swimming, picnicking, gathering, resources khan laga collection khan toh hoiley restrict kuri di kena asey aru itu khan toh rukhiboley koishey, itu bishi pani khan gira laga homoi tey, flash flood laga risk karney aru barit haka pani laga level khan karney. Manu khan kuntu toh hoiley nodi laga osor phaney, pani jaga thaka osor phaney aru low lay kuria area phaney thaki kena asey, tai khan ke advise kuri asey, husiyar thakiboley karney aru ucha/ safe laga area phaney jai kena thakiboley koishey, pani laga level khan bari thaki asey koiley.
Maas khan bhi mariboley mana kuri di kena asey, bishi para pani flow kuri thaka sream khan aru nala khan tey, kiley koiley eneka nishina jaga khan tey manu khan dubiboley aru accident khan hoboley laga risk bishi thaki kena asey. Itu pani para hoa bimar khan laga risk bhi bishi asey flood para affect hoa area khan tey, lagi thaka precaution toh hoiley loboley lagey, pani para hoa bimar ke rukhaboley.
Itu nimitey, itu sob citizen khan ke request kurishey, safety precaution khan follow kuriboley aru respective Area Administrative Officer khan ke report kuriboley koishey, concerned bosti laga council para, manu khan laga life aru property laga case khan thakishey koiley.
Emergency laga homoi tey modod lagishey koiley, itu di kena thaka helpline number khan tey contact kuriboley paribo, koishey.
State Emergency Operation Centre: 1070 (Toll free number) 0370-2291120/22
State Disaster Response Force (SDRF) 9366819486/7005806182
DDMA, Niuland: 7005047510
Add Comment