Niuland Laga DPDB Team Para School Khan & Bosti Khan Tey Visit Kuriboley Asey, Itu Project Khan Implement Kuria Toh Verify Kuriboley

September 24, 2025, 05:38 PM: Itu Niuland District Planning & Development Board (DPDB) meeting toh hoiley, 24^th September, 2025 tey loishey, DC laga Conference Hall, Niuland tey para. Deputy Commissioner & DPDB laga Vice Chairman – Sara S Jamir para itu meeting chair kuria homoi tey, itu member khan ke inform kurishey ki, itu PHED & Cooperation laga Minister – Jacob Zhimomi laga directive laga hisap tey, itu DPDB member khan toh hoiley, itu school khan aru bosti khan tey visit kuriboley asey, itu October laga first week tey, itu project khan laga implementation kuriboley karney, itu district tey aru tai para itu sob member khan ke request kurishey, itu visitation program nimitey tyaar kuriboley karney. Itu DPDB laga member khan para VCCs GBs aru VDBs khan laga role opor tey seminar khan loboley laga approve kurishey, itu sob 103 bosti khan tey, itu District laga. Itu laga regard tey, Deputy Commissioner para sob development department khan ke itu power point presentation tyaar kuriboley koishey. Cooperation Department laga Dy. Registrar Cooperation Societies Niuland – Bisinle Kemp para Power Point presentation dishey. Aru Fishery department ke next DPDB meeting tey PowerPoint Presentation diboley koishey.