Niuland, 21 April: Advisor for NRE, IT, S&T, Mmhonlumo Kikon para Hovukhu village, Niuland te ekta five Megawatt Solar power plant laga foundation stone toh laid/rakhise 20th April 2022 te. Solar power plant toh state te first aro sobse dangor clean energy hobole ase aro etu ketiya kothom hoi ek saal te 7-8 million units debole paribo aro etu toh arobe 10-15 MW te bonabole paribo judi kamiyab hoi kena bonabole parile. Jama jaga te kotha kora samai Advisor para villagers laga cooperation mangkishe development activities te facilitate koribole nemite. Project toh 31st March 2023 para kothom koribole bhabona ase.
Minister PHE, Jacob Zhimomi para Advisor ke thank korise Hovukhu bosti te Solar Power project nemite aro bosti manu khan ke cooperative aro vigilant hobole koise.
MP Rajya, S Phangnon Konyak para self-reliant project toh Prime Minister of India laga vision ase koise. Advisor Tourism Art& Cultural, Khehovi Yepthomi, Director NRE, aro officers toh stone laying ceremony te present howa thakise.
Add Comment