Niuland tey 38 saal laga mota ekta ke kunba manu para gola katina muraidishi

September 10, 2024: Niuland district tey, 38 saal laga ekta mota man uke kunba manu para gola kati kena murai dishey, September 10^th, 2024 tey, Kiyezhe Village tey. Itu ghatna hoa toh hoiley raati 2:00 AM – 2:30 AM phaney hoa laga khobor paishey. Itu muria manu toh hoiley mati tey khun para bhorta hoi kena gola kati kena thakishey koishey, Asst. GB para. Itu muria manu laga maiki ke police laga custody tey rakhi kena asey, Niuland Police laga, Head GB para koishey. Dead body toh hoiley post- mortem kuri kena hoa pichetey tai laga parivar laga haath tey di dishey koishey. Bosti laga council para law enforce kuria agency khan ke appeal kurishey, itu ghatna laga opor tey bhal para investigate kuriboley karney aru justice toh deliver kuriboley koishey.