Kohima, 12 March 2026: Day 5 te Eighth session laka 14th Nagaland Legislative Assembly (NLA) laka March 12, 2025 te NLA Hall, Kohima te, MLA Achumbemo Kikon pra ekta starred question uthai shey current status regard te Tchunjanphen aro Lio-Longchym/Longayim police outpost laka. Tai pra highlight kuri shey ki recent incidents jaka te urgent attention lageh aro appealed kuri shey deployment karne bishi police personnel laka jaka te. Query ke jawab d kina, deputy chief minister, Minister-in-charge of Border Affairs, Yanthungo Patton, pra House ke janai dishey ki ekta temporary police outpost toh hali dishey present te, tadeh ekta proposal ekta permanent post halibo leh under process te aro earliest te lubo. Regards te permanent outpost la establishment te Lio-Longchym te, tai pra koishey jhamala toh currently examination under te ase State government pra. Tai pra aro janai dishey ki government toh examine kuri ase nutun nouta police outpost halibo leh border bosti te. Ekta series supplementary questions laka utha time te Kikon pra, Patton pra koishey ki state khan sop police outpost withdraw kuri shey 1972 interim agreement hoi kina, aro Assam toh 63 permanent police outposts establishment kuri shey Assam-Nagaland border along te.
Patton pra aro clarified kuri shey rumours issue opor te alleged RS 2500 charged kura training fees hoina selected candidate pra ongoing police constable recruitment te, koishey eku fee toh collect nakuribo. Starred question ke jawab d kina MLA Achumbemo Kikon pra raised kura plantation drive toh undertake kuribo banai Disputed Area Belt (Ralan Area) te, recent eviction drive hoi kina, Minister for environment, forest & climate change aro Village Guards, C.L. John pra janai dishey ki House toh eku plantation drive kuri nai echa tak. Hoileh b tai pra koishey ki department toh consider kuri ase inika drive initiate kuribo leh ahibo leh months te.
Add Comment