Nagaland Liquor Total Prohibition (NLTP) Act 1989 to ekta bhal vision loikena shuru kurishe. Naga khan laga health aru moral fabric safe rakhibole, modu kha karone chamila hua to eliminate kuri kena. Enforcement te challenges thakile bi, Act to ekta important safe guard hoise alcohol kha laga khatara para, aru etu commit to uphold kuribo lage. Act tu Naga manu khan laga values, aru alcohol addiction laga khilaf teh ekta strong wall ase .
Alcoholism ekta dangor social issue hoise, juntu poriwar bhangha, domestic violence, aru health problem laga piche ase. NLTP Act to ekta wall ase etu problems ke face kuribole, aru etu wall para notun generation safe guard kuri substance abuse kura laga khatra para. Jodi prohibition uthai dile, alcohol consumption uthibo, aru public health khatara te hobo, especially youth majote. State tu Naga manu khan bhala thaka priority dibo lage, aru economic interest pichete.
Critics koi, prohibition karone black market aru corruption hoi ase, kintu law fully enforce na koribo pora, law tu fail hoa nai. Act ke repeal kura nahoi kena, solution ase stricter enforcement te, governance improve kura, aru community-driven vigilance rakhia. Border security majboot, illegal trader khan laga khilaf harsher penalty, aru society responsibility to encourage kurile, implementation te gap fix kuribo paribo. Authorities aru community milikene, NLTP Act effectively enforce kuribo paribo.
Aru important factor ase, NLTP Act tu Nagaland cultural aru religious values logot mili. Naga community aru churchs khan modu laga khilaf long time para advocate kuri ase, karone modu para social harmony biya kuri diya karone ase. Church, Naga manu khan laga strong pillar ase, prohibition promote kuri moral integrity aru community well-being rakhibole. Act uthai dile, etu deeply held beliefs ke undermine kuri, aru Naga manu khan ke etu para bishi effect hobo.
Konba revenue loss laga karone ban uthai dibo koi, kintu etu short sighted thinking ase, jodi alcoholism long-term health aru social cost sai le. Alcohol sale legalize kura para to, state tu alternative revenue sources explore kuribole paribo, tourism, agribusiness, aru industrial development, juntu public welfare ke compromise nakore. Government ke focus dibolage economic strategies te, juntu society ke positive contribution dei, aru moral obligation maintain kuri.
Aru rehabilitation aru awareness programs ke majboot kuribo lage, juntu addiction struggle kora logot help kuri. Educational campaigns aru community-based initiatives expand kuri kena, government to ensure kuribole paribo ke manu khan modu laga harmful effect buji, aru healthy lifestyle choose kuri.
Nagaland to commitment NLTP Act te rakhile, aru enforcement challenges para Act tu abandon nakuribo lage. Focus increase kuribo lage implementation te, public awareness te, aru responsibility culture build koribo. Prohibition ek law nai, eta social responsibility hoise juntu healthier, disciplined, aru moral society bonai. Etu uphold kurile, Nagaland t social well-being ke economic expediency pora priority dekhai, aru Naga manu khan laga future bhal karone commitment reaffirm kuri.
Add Comment