April 04, 2025, 05:29 PM: Nash Mukt Bharat Abhiyaan (NMBA) laga ek din nimitey workshop-cum-training loishey, Master Volunteers (MV) nimitey, 3rd April, 2025 tey. Itu event toh Deputy Commissioner Conference Hall, Wokha tey para loishey.
Itu event toh hoiley Wokha District NMBA para organize kuria laga thakishey, SLCA, Kripa Foundation logotey collaborate kuri kena, itu “Stronger Together, Action & Transformation” laga theme opor tey.
Itu key note address deliver kuri kena, Deputy Commissioner, Wokha, Vineet Kumar, IAS para koishey, itu master volunteer khan laga roles aru responsibility khan toh hoiley ekta challenging task asey. Aru koishey itu toh hoiley ekta bishi bhal opportunity bhi asey, kiley koiley tai khan lag aitu role toh hoiley kunba manu khan laga jeevan budli kuri dibo, kun khan toh hoiley substance abuse under tey thaki kena asey.
Tai para volunteer khan ke urge kurishey, spot counselling conduct kuriboley karney, itu identify kuri kena thaka user khan nimitey. Aru tai khan ke sob para osor laga counselling aru de-addiction facility tey guide kuriboley karney.
Itu master volunteer khan ke encourage kuri kena, tai khan laga best venture diboley karney, itu DC para koishey ‘Apni laga goal toh hoiley pura society ke transform kuriboley laga nahoi, hoilebi saboley kushish kuriboley laga asey, kiman jeevan khan apni transform kurishey aru kiman satisfaction pai asey, kitya pani ekta manu laga life toh budli kuriboley parey, kuntu toh hoiley hosa para utu manu khan life khan tey bishi para impact kuribo aru society tey bhi’.
Add Comment